الفصل الخامس من المال مقابل القلب لهاله الجمسي

 الفصل الخامس 

صعدت سيلا السيارة إلى جوار فريد في الطريق إلى منزل الجد، هتفت سيلا وهي تتطلع إلى الطريق من النافذة 

:

ـ أنا مش عارفة أنا وافقتك على الفكرة دي ازاي؟ 

  فريد أعقب دون أن ينظر لها وقد وضع كل اهتمامه في الطريق:

ـ ساعات الظروف بتجبرنا نختار طرق مش بتاعتنا علشان نمشي صح، اللي هنعمله دلوقت 

علشان مصلحة الكل أنا. انت وجدي كمان، ٠

سيلا قالت في تفكير:

ـ انا  من فترة بحارب علشان شركتي تستمر، والمعركة اللي أنا فيها 

دي علشان تفضل الشركة موجودة، وبجد دي اهم معركة عندي٠

تمتم فريد وهو ينظر إلى إحدى إشارات المرور: 

ـ يبقى نقول انها فرصة جت على طبق من ذهب، مش كدا ولا اي؟ 

لم تستطع سيلا سوى أن تقر: 

ـ صح مضبوط٠

اكمل فريد وهو ينظر لها ثم ينظر إلى الطريق:

ـ  جدك صمم على رأي، خلاص ننفذه، وبعدين احنا كبار يا سيلا، وأنا عن نفسي عارف حدود الجواز دا اي، وهينتهى ازاي٠

أشارت سيلا ا إلى فريد:.

ـ  طبعاً  زواج مع ايقاف التنفيذ متفقين ، جواز صوري قدام جدو والناس وبس  ولو قدرنا نخليها خطوبة عادية٠

فريد هتف في صوت به حماس:

ـ لو تعرفي تقنعي جدك، مافيش مانع، يكون افضل علشان البيزنس مش يتعطل٠

سيلا قالت في هدوء وهي تغمض عينيها:

ـ هحاول مع جدو 

 فريد أشار لها بيده قائلاً :

ـ جود لاك( حظ سعيد،٠

توقفت سيارة فريد أمام منزل الجد، هبطت منها سيلا في هدوء،وقف إلى جوارها  فريد إلى جوارها وقال في صوت منخفض:

ـ مش محتاج اقولك أن لازم جدك يكون مرتاح من ناحية الموضوع كله، مش عايزه يحس أن في خدعة٠

سيلا نظرت له في تفكير ثم تابعت:

ـ خلاص يا فريد ، فهمت٠

ثم أشارت إلى الجد الذي كان يقف في الشرفة:

ـ هاي جدو،وحشني والله٠

 قال كارم  وهو يفرد ذراعيه لها:

ـ قلت انك مش خوجاية  

قلت انك من طبعنا وبتاعتنا، تعرفي أن زعلي منك راح أول ما شفتك، تعالي يا سيلا تعالي٠

احتضن الجد سيلا التي قالت في لهجة تبرير:

ـ معلش يا جدو بس المسئولية كبيرة عليا اوي٠

ألقى الجد نظرة على فريد وهتف:

ـ خلاص هانت وفريد اللي هيشيل الحمل كله٠

ثم استطرد وهو ينظر ل سيلا  في تساؤل:

ـ ولا اي؟ 

هزت سيلا رأسها بعد تردد، في حين قال الجد وهو يشير ل فريد:

ـ تعال هنا علشان اعرف اتفق وياك على كل حاجة٠

ابتسم فريد وقال وهو يشير إلى  سيلا: 

ـ طيب بالراحة عليا وخلي واقف في صفي شوية، بنت ابنك بردوا ::::

هتفت سيلا في اعتراض:

 ـ فريد ؟! 

ارتفعت ضحكة فريد وتابع:

ـ اصل حاسس اني داخل امتحان صعب اوي وجدي مراقب شديد، مراقب اي؟ دا رئيس لجنة٠

سيلا ألقت على فريد نظرة تحذير في حين قال الجد في حسم :

ـ تمام يبقى الجواز الاسبوع دا٠

فريد صمت قليل في حين قالت سيلا :

ـ  احنا محتاجين فرصة ووقت علشان كل واحد يعرف يفهم التاني كويس ويعرف طباعه، يعني الجواز يتأجل شوي يا جدو، الخطوبة ممكن تكون الاسبوع دا, عائلية وبسيطة ونهاية الاسبوع ٠

هتف الجد في عصبية:

ـ يتأجل ازاي؟ 

وجدت سيلا أن الفرصة مناسبة للتدخل فتابعت:

ـ يا جدو احنا محتاجين نتعرف على بعض اكتر 

كارم نظر إلى كل منهم في حدة ثم قال:

ـ افهم من كدا أن كل واحد فيكم مش مقتنع بالتاني! يعني جايين ليه؟ علشان تقولوا هنتخطب شوية ونفركش٠ 

هتفت سيلا:

ـ لا يا جدو بس، الجواز، لازم يكون قبل منه فترة خطوبة و::

ألقى الجد نظرة على فريد وقال:

ـ اي الكلام دا؟ انتم جايين ليا هنا تقنعوني باي؟؟

فريد قال في صوت حاول أن يكون هادي:

ـ احنا مش ممانعين في الارتباط، سيلا موافقة، بس الظروف زي ما انت عارف يا جدي أنا مضغوط فيها وهي كمان ، وجهة النظر أن الصفقة لما تتم هتتوفر السيولة المالية ونكمل جوازنا٠

هتف الجد في صرامة:

ـ  أنت مش داخل ت

تحارب, وحتى لو بتحارب، انا اتجوزت في حرب تلاتة وسبعين، وكنت بروح الجبهة وأرجع ل ام ابوك يومين  ب قولك اي يا فريد، أنت وبنت عمك مش اغراب عن بعض، وحكاية نعرف طبع بعض، زي ما يكون أنا عايزة اعرف اسمه اي؟ بلاش دلع و مساخة،  وهي كلمة واحدة مالهاش تاني، جواز آخر الأسبوع، أو أنت وهي تطلعو  من هنا محدش له ورث عندي٠

اعترضت سيلا:

ـ نتفاهم يا جدي٠

هتفت كارم في حدة:

ـ نتفاهم على اي؟ على اي؟ شغل الخواجات دا وتزويق الكلام مش عايزه٠

ألقى فريد نظرة على سيلا ثم تابع:

ـ يا جدي أنا لازم اقدم ل سيلا شبكة ولازم مقدم ومؤخر٠

أشار كارم له أن يصمت وقال في لهجة حاسمة:

ـ الشبكة هدية مني ليها، بنت ابني عفشها كله واحسن حاجة بردا مني انا، ها اي تاني عايزين تقولوا انتم الاتنين؟

فريد نظر إلى سيلا في استسلام في حين تابعت هي:

ـ خلاص يا جدو مدام انت سهلت علينا كله، مافيش داعي للتأجيل٠

ثم نظرت إلى فريد وهمست:

ـ التأجيل معناها نخسر الشركات٠

فريد قال وهو يبحث بعينيه عن زاهية:

ـ عايز افطر تعبت من امبارح مكلتش٠

هتف كارم وهو يشير بيده:

ـ زاهية قدام الفرن الفلاحي في بيتها هناك  من ساعتين، مصممة تخبزك لكم عيش فلاحي، وكمان قالت هتعمل روان وحاجات تانيه وبعدين تيجي على هنا٠  

كارم نظر إلى فريد وسيلا ثم قال في لهجة حاسمة:

ـ انتم هتجوزو هنا مش ف مصر، وكمان هتقعدو هنا وياي اسبوعين وبعد كدا اشوف هنعمل اي؟ 

اعترض فريد:

ـ والشغل؟ الشركات الصفقات. لازم اكون في مصر٠

هتف الجد في سرعة:

ـ هحط تحت ايدك اتنين سواقين لا مش اتنين تلاتة علشان يسوقوا يودوك و يجيبوك   في اي وقت انت عايزه٠

هتفت سيلا وهي تشير بيدها:

ـ وأنا كمان عايزة سواقين، علشان شركتي لازم تفضل ناجحة بعد الجواز كمان ٠

كارم نظر لها في هدوء:

ـ وفريد موافق على كدا؟

سيلا أشارت إلى فريد وقالت:

ـ أنا وهو متفقين يا جدو على كل حاجة٠ 

.هتف فريد  في سرعة:

ـ ما انت عارف ان سيلا عمليه اوي٠

هتف كارم في سخط:

ـ خلاص  يا فريد، شوفوا عفش اي اللي انتم عايزنه في الكتالوجات بتاع الاوض و الركنات واختاروا أنا هعمل لكم الجبهة الشرقي من السرايا ليكم٠

أقترب فريد من جده قال في صوت هادئ:

ـ كدا الجوازة هتم زي ما انت عايز، وهنقعد معاك، انت كدا كل طلباتك اتنفذت٠

هتف الجد وهو يربت على كتف فريد:

ـ الصفقة بتاعتك لازم هترسى عليك انت، انت ابن ابني ونجاحك شرف ليا، اوع تكون فاكر جدك كارم ناسي وعده ليك، ابدا يا غالي، بس دلوقت أنا لازم أخرج اعدي على الشيخ ابو العزم، اللي كتب كتاب ابوك وعمك كمان، لازم أوصله قبل ما حد غيري يتفق معاه على بكرة، أنا مش هسيب حاجة للظروف٠

نظر له فريد في حيرة:

ـ  يتفق معاه على اي؟ 

كارم نظر له في نفاذ صبر:

ـ  بقولك كتب كتاب ابوك، يبق هتفق معاه على اي؟ اكيد على  كتب كتابك انت بكرة، ما هو أبو العزم  دا مأذون الكل بيتفاءل بيه مافيش اتنين جوزهم وفلتو من بعض خالص، كملو لحد الممات سوا، علشان كدا البلاد  اللي حوالينا بتيجي تاخده مخصوص، يعقد لهم، راجل  عنده دين واخلاق وربنا مبارك له في كل حاجة، ولازم اروح أكد عليه يجي لنا بكرة قبل صلاة  العشاء علشان يكتب الكتاب،وكمان الحق أعزم أهل البلد   ٠

هتف فريد في دهشة:

ـ بكرة؟! بكرة؟ 

أعقب كارم وهو ينظر في إتجاه بوابة المنزل:

ـ ايوا احنا هنكتب بكرة الكتاب، وبعدين ع الخميس كدا تعمل اشهار وفرح كبير اوي، والله البلد كلها لازم تتحاكى بفرح سيلا وفريد٠

جلس فريد إلى جوار سيلا، في حين عبر كارم البوابة، قالت سيلا في تساؤل:

ـ في أي يا فريد؟ 

أشار فريد إلى الهاتف وقال:

ـ ادخلي على اتيلات ملابس السهرة وشوفي فستان مناسب لكتب كتابك بكرة، خلاص جدك حدد الميعاد٠