الفصل الثالث من الفامبير الاخير عودة مصاصي الدماء لهاله الجمسي
الفصل الثالث ألقت نظرة جانبية على وجهه الذي يكتسي بالحزن والتفكير العميق، قالت في محاولة منها لانتشال ه من دوامة الأفكار التي تعشش في عقله: ـ حاتم الجو برا برد اوي، البس الجاكت احسن٠ هز رأسه في علامة واضحة للرفض، في حين تابعت هي وهي تنظر في ساعتها : ـ الساعة دلوقت خمسة٠ ساد صمت بينهم في حين تابعت هي: ـ هتروح لها؟ هز رأسه علامة الموافقة في حين تابعت هي: ـ حالتها بتتحسن ولا لا؟ سمعت من دكتورة ألفت:::٠ هتف في صوت صارم: ـ أمي٠ أعقبت الأم وهي ترفض أن تستجيب ل نبرته في الحسم: ـ حاتم لازم تحط في دماغك أن حالة توليا الدكاترة كلهم بيقولوا مافيش أمل، الكل بيقول بترجع ل ورا، لازم تفهم::: صوت حاتم وهو يقول في نبرة تحدي: ـ وأنا دكتور وبقولك طول ما في حياة يبقى في أمل، الطب كل ثانية فيه جديد، فيه تطور، طول ما انا عايش مش هسيب اليأس يتسرب ليها٠ صمت دقيقة ثم تطلع إلى أعلى وتابع: ـ رب المعجزات موجود، وأنا عارف ان توليا هتعيش يعني هتعيش٠ تأملت والدته وجهه ثم تابعت في حنان: ـ حاتم ، مش عايزاك تحمل نفسك فوق طاقتك، ومش عايزاك تحس بالذنب ٠ نهض من مكانه في خفة شديدة، ثم اسرع الخطى إل...
